عقلية القرد ونهم التعلم
تبدأ في حاجة ومتخلصهاش وتروح لحاجة تانية تبدأ فيها، يمكن حاسس إنها أفضل أو يمكن عاوز تعمل حاجات كتير في نفس الوقت والحماسة وخداك، تتعب من كل الحاجات اللي بدأتها فتقرر توقف كل حاجة وينتهي بيك المطاف بـ أنصاف أشياء لم تكتمل.
"إذا لم تكن تعرف إلى أين تذهب فكل الطرق تؤدي إلى اللا شيء"
عشان كدا لما تيجي تبدأ في حاجة لازم تلزم نفسك إنك تكمل للأخر، أصل أنت مش هتعرف الحاجة دي كويسة فعلاً إلا بعد الإنتهاء من فترة تعلم الشيئ / المهارة دي، فضروري نشتغل على نفسنا في نقطة التركيز وطولة النفس ونبعد عن التنطيط بين ال roadmaps الكتيرة وخليك عارف إن أي roadmap في البداية هي كويسة، فشد اللجام وكمل للاخر لأن وارد تسجل بعد ال +90 عادي ').
أفتكر لما كنت بزهق من المقررات وقت الدراسة بسب إني حاسس إني مش فاهم الشابتر دا قصده ايه أو بيتكلم عن ايه
فكنت بضطر أسوف وأقول لنفسي أكيد ناقصني أساسيات أتعلمها الأول وأرجع أكمل مذاكرة بقى، لأن نفسي المثالية مينفعش تعدي جزئية إلا لما تفهما كلها!
الأسلوب دا كان سيئ جداً لأنه مش واقعي لأن لو حطينا الموضوع في إطاره الصحيح هندرك إن الطبيعي لو بتعلم حاجة جديدة مش لازم أكون فاهم كل نقطة فيها، العلم اللي في المقرر نفسه أتوضع في سنين!
فكنت بضطر أسوف وأقول لنفسي أكيد ناقصني أساسيات أتعلمها الأول وأرجع أكمل مذاكرة بقى، لأن نفسي المثالية مينفعش تعدي جزئية إلا لما تفهما كلها!
الأسلوب دا كان سيئ جداً لأنه مش واقعي لأن لو حطينا الموضوع في إطاره الصحيح هندرك إن الطبيعي لو بتعلم حاجة جديدة مش لازم أكون فاهم كل نقطة فيها، العلم اللي في المقرر نفسه أتوضع في سنين!
والحل؟
الحل كان إني كنت بقول لنفسي "عدي يومك".
أفضل أقول لنفسي في الاخر يا حبيبي هتفهم متستعجلش أهدى شوية، ولما بوصل لخط النهاية وأدرك فعلاً إن الموضوع كان محتاج صبر فعلاً وأبعد عن حديث النفس السيئ بعبارات "أنت فاشل أنت إزاي مش فاهم!!".
وإن العلم سجيته هي الصبر مش السرعة وبما إننا في عالم السرعة كان طبيعي يتسربلي الأفكار في حديثي مع نفسي بعد منتصف الليل على فراش النوم عشان تحاسبني إن المجال دا مش بتاعي ولازم أحول من الكلية وانا في سنة رابعة.
وإن العلم سجيته هي الصبر مش السرعة وبما إننا في عالم السرعة كان طبيعي يتسربلي الأفكار في حديثي مع نفسي بعد منتصف الليل على فراش النوم عشان تحاسبني إن المجال دا مش بتاعي ولازم أحول من الكلية وانا في سنة رابعة.
"أحب الأعمال إلى الله أدومها وإن قل"
كلنا عارفين الحديث دا ولكن مش دايماً بنلمس المعنى الحقيقي، ليه؟ عشان مجربناش.مجربناش ايه؟
مجربناش مثلاً نواظب على فعل شيئ بسيط لفترة كبيرة عشان نلاقي بعد المدة الزمنية الطويلة تطور ونجاح في حاجة معينة = العادة.
السلاح السري اللي بشوفه بينافس الموهبة هي الإستمرارية، انا عارف إن كل دي شعارات تشبعنها كلام بس متشبعنهاش تطبيق.
مثال:
لو في مقرر ما بتتعلمه وحاسس إنك مش موهوب فيه(يعني مش بتفهم الحاجة من أول مرة على الأقل) جرب تدي لنفسك وقت ومساحة أكتر في تعلم الحاجة دي هتلاقي نفسك وصلت لنفس النتيجة اللي الشخص الموهوب وصلها عادي.
اللي عاوز أقوله إن معادلة النجاح في شيئ هي = قدرتك على التعلم X الوقت المبذول.
مجربناش مثلاً نواظب على فعل شيئ بسيط لفترة كبيرة عشان نلاقي بعد المدة الزمنية الطويلة تطور ونجاح في حاجة معينة = العادة.
السلاح السري اللي بشوفه بينافس الموهبة هي الإستمرارية، انا عارف إن كل دي شعارات تشبعنها كلام بس متشبعنهاش تطبيق.
مثال:
لو في مقرر ما بتتعلمه وحاسس إنك مش موهوب فيه(يعني مش بتفهم الحاجة من أول مرة على الأقل) جرب تدي لنفسك وقت ومساحة أكتر في تعلم الحاجة دي هتلاقي نفسك وصلت لنفس النتيجة اللي الشخص الموهوب وصلها عادي.
اللي عاوز أقوله إن معادلة النجاح في شيئ هي = قدرتك على التعلم X الوقت المبذول.
الذكاء إنك تتعامل مع نفسك إن عادي مش لازم تكون موهوب أو ذكي في كل مساحات وجوانب التعلم والحياة عادي جداً تكون قدرتك متوسطة أو قليلة في الحاجة دي، بس خليك عارف إنك لو عاوز تكون كويس في الحاجة دي تقدر إنك تزود بس وقت(يعني تكون صبور أكتر)، ومش مهم إمتى هتوصل، المهم إنك هتوصل في النهاية.
التعليم كان دايماً من صغرنا نظري وبيفتقد دايماً للجانب التطبيقي والعملي، المرات القليلة اللي كنت بربط اللي بحفظه بالواقع أو أحاول اطبقه بأيدي كنت بحس إحساس جميل كدا اللي هو "انا بملك الدنيا وما فيها".
تملي حاول تطبق اللي بتعمله متقرأش دايماً ومتحفظش طول الوقت لازم تعمل باللي بتتعلمه لازم تحوله لحاجة ملموسة ليها معنى وقيمة وأفتكر إن "العلم بدون عمل جهل". أو كما قال الشافعي رحمه الله : "ليس العلم ما حُفظ إنما العلم ما نفع".
وميبقاش غرضك كله تتعلم نظري وتبقى نهم بس للعلم بدون ما تحرك ساكن، عشان كدا دايماً كان بيتقالنا في ال math إنك كل ما تحل كتير كل ما هتكون كويس.
انا في جملة بقولها لأي حد عاوز يكون كويس في ال Coding = "عشان تكون كويس في إنك تكتب كود لازم تكون بتعرف تكتب كود :)".
انا في جملة بقولها لأي حد عاوز يكون كويس في ال Coding = "عشان تكون كويس في إنك تكتب كود لازم تكون بتعرف تكتب كود :)".
يعني ايه؟ انا مفهمتش بردك إزاي اكون كويس في ال Coding؟
قصدي مفيش طريقة سحرية إنك تكون كويس في المهاراة دي غير إنك تكون فعلاً بتكتب كود! يعني لازم تكتب كود كتير جداً وبالتالي هتكون بتعرف تكتب كود. سهلة صح؟
مهما كان اللي قدامك كان بيعلمك صح عمرك ما هتكون كويس في الحاجة/المهارة دي مهما كان في دماغك إنك كويس فيها وحاسس نفسك فيها وشايف نفسك فيها وفاهم كل اللي بيتقال! لازم لازم لازم تشتغل بإيدك ومتبقاش من صفوف المتفرجين.
قصدي مفيش طريقة سحرية إنك تكون كويس في المهاراة دي غير إنك تكون فعلاً بتكتب كود! يعني لازم تكتب كود كتير جداً وبالتالي هتكون بتعرف تكتب كود. سهلة صح؟
مهما كان اللي قدامك كان بيعلمك صح عمرك ما هتكون كويس في الحاجة/المهارة دي مهما كان في دماغك إنك كويس فيها وحاسس نفسك فيها وشايف نفسك فيها وفاهم كل اللي بيتقال! لازم لازم لازم تشتغل بإيدك ومتبقاش من صفوف المتفرجين.
في النهاية متخليش رحتلك في التعلم والشغل والدنيا تبقى فيها منافسة وسرعة كتير عن اللازم، هون على نفسك وأهتم بيها ومتتسرعش وخد نفسك من وقت للتاني وأفتكر إنك هتتحاسب على نيتك في طلب العلم أخلص النية وملكش دعوة بالنتيجة وطهر نفسك من حب الدنيا زيادة عن اللازم وأجتهد وأنجح والأهم من كدا حب نفسك وأحتسب الأجر لله وحده ')
آخر حاجة
آخر حاجة بجد
آخر حاجة بجد
تعليقات
إرسال تعليق